ದಕ್ಷಿಣ ಕೊರಿಯಾದ ಜನಪ್ರಿಯ ನಟ ಕ್ವಾಕ್ ಶಿ ಯಾಂಗ್ ಅವರು ಗಾಯಕಿ ಹಾಗೂ ನಟಿ ಯು ಜಿ ಏ ಅವರನ್ನು ನವೆಂಬರ್ನಲ್ಲಿ ವಿವಾಹವಾಗಲಿದ್ದಾರೆ.
ಕ್ವಾಕ್ ಶಿ ಯಾಂಗ್ ಅವರ ಏಜೆನ್ಸಿ 9 ಅಟೋ ಎಂಟರ್ಟೈನ್ಮೆಂಟ್, ನವೆಂಬರ್ನಲ್ಲಿ ನಟ ಕ್ವಾಕ್ ಶಿ ಯಾಂಗ್ ಅವರು ಗಾಯಕಿ ಹಾಗೂ ನಟಿ ಯು ಜಿ ಏ ಅವರೊಂದಿಗೆ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರೆ ಎಂದು ಅಧಿಕೃತ ಹೇಳಿಕೆಯಲ್ಲಿ ದೃಢಪಡಿಸಿದೆ.
ಏಜೆನ್ಸಿ ನೀಡಿರುವ ಮಾಹಿತಿ ಪ್ರಕಾರ, ಈ ಜೋಡಿ ಪರಸ್ಪರ ಆಳವಾದ ನಂಬಿಕೆ ಮತ್ತು ಪ್ರೀತಿಯನ್ನು ಆಧರಿಸಿ ಭವಿಷ್ಯವನ್ನು ಒಟ್ಟಾಗಿ ಕಟ್ಟಿಕೊಳ್ಳಲು ನಿರ್ಧರಿಸಿದ್ದು, ವಿವಾಹವಾಗಲು ಸಿದ್ಧವಾಗಿದೆ.
ವಿವಾಹ ಸಮಾರಂಭವು ಎರಡೂ ಕುಟುಂಬಗಳ ಸದಸ್ಯರು, ಸಂಬಂಧಿಕರು ಮತ್ತು ಆಪ್ತ ಸ್ನೇಹಿತರ ಸಮ್ಮುಖದಲ್ಲಿ ಖಾಸಗಿಯಾಗಿ ನಡೆಯಲಿದೆ. 'ಎರಡೂ ಕುಟುಂಬಗಳ ಆಶಯಗಳನ್ನು ಗೌರವಿಸಿ, ಮದುವೆಯ ಕುರಿತು ಹೆಚ್ಚಿನ ನಿರ್ದಿಷ್ಟ ವಿವರಗಳನ್ನು ಬಹಿರಂಗಪಡಿಸಲು ಸಾಧ್ಯವಿಲ್ಲ, ಈ ಕುರಿತು ದಯವಿಟ್ಟು ಸಹಕರಿಸಿ' ಎಂದು ಏಜೆನ್ಸಿ ಮನವಿ ಮಾಡಿದೆ.
ಜೀವನದ ಹೊಸ ಆರಂಭಕ್ಕೆ ಸಿದ್ಧವಾಗಿರುವ ಈ ಜೋಡಿಯನ್ನು ಪ್ರೀತಿಯಿಂದ ಹಾರೈಸಿ ಮತ್ತು ಅವರಿಗೆ ಹೆಚ್ಚಿನ ಆಶೀರ್ವಾದ ಹಾಗೂ ಬೆಂಬಲವನ್ನು ನೀಡಿ ಎಂದು ಏಜೆನ್ಸಿ ಸೇರಿಸಿದೆ.
